GEMEENTEVREUGDE Gesprekstemas vir selgemeentes

Tema Nr 1:       DIE HUISGESIN VAN GOD

Elektroniese kopie:  Oktober 2001.   Hierdie gesprekstema mag van die internet afgelaai en vermenigvuldig word.  Daar mag egter geensins aan die inhoud verander word nie.
Enige donasies vir die voortgang van die bediening word verwelkom.

Handleiding opgestel deur Marius Potgieter en Willem Badenhorst.

Hierdie gesprekstema is opgestel met die doel om
* die Skrif se lig op die geloofsgemeenskap as die geloofsgesin rondom God as Vader te laat val;
* gelowiges te motiveer tot 'n doelbewuste keuse om hulle aan die ander gelowiges te verbind tot 'n ware verhoudingskerk.

Hoe om die meeste seën uit hierdie gesprekstema te put:
* Beskou die gesprekstema slegs as ‘n hulpmiddel.
* Dit is nie ‘n handleiding vir Bybelstudie nie.  Die vrae handel nie in die eerste plek oor inligting of Bybelfeite nie maar help ons om regtig na die Here (wat deur sy Woord en Gees teenwoordig is) te luister.
* Enige persoon wat daarvoor kans sien, kan hierdie gesprek lei want dit vereis nie spesiale kennis of vernuf nie.
* Alhoewel die byeenkoms met ernstige gebed voorberei moet word, kan die gesprek nie voorberei word nie - dit word deur die Heilige Gees gelei.
* In God se oë is ons nie kerkmense wat bymekaar kom nie maar ‘n geestelike huisgesin; familielede wat rondom hulle Vader saam is om Hom en mekaar te geniet!

GESINSVERKLARING:  Die voorganger lees die gesinsverklaring en dra die byeenkoms in gebed aan die Here op.

KEN-MEKAAR: (40")
1.    Elkeen in die groep vertel kortliks waar hy/sy groot geword het en wie op 12-jarige ouderdom (graad 7) die grootste invloed  op sy/haar lewe gehad het.  Waarom sou jy hierdie persoon uitsonder?
2.    Vir watter ervaring in jou lewe is jy die Here besonder dankbaar?

LOFPRYSING EN AANBIDDING: (20")
Kom ons loof die Here met 'n paar liedere afgewissel deur kort gebede van aanbidding.

WOORD EN ANTWOORD: (40")
Tema:    Die woonplek van God
Lees:      1 Korintiërs 6: 19 - 20

1.   Laat die gedeelte twee maal hardop gelees word.
2.   Gee geleentheid dat elkeen biddend dit in stilte weer lees om te hoor wat die Here daardeur vir hom/haar wil sê.
3.   Vertel vir mekaar wat die Here deur hierdie verse vir jou gesê het.
4.   Waarom kan 'n mens na die koms van Jesus (Nuwe Testament) nie meer van 'n gebou as die huis van die Here praat nie?
5.   Eintlik is Jesus die enigste woonplek van God (Kolossense 1: 19) maar omdat Hy as die Gees in jou woon, is jy ook God se woonplek.  Jy is nou deel van Jesus se liggaam op aarde.

Ons antwoord:   God het gepraat.  Hy verwag 'n antwoord.  Kom ons bevestig dit deur gesamentlik hardop te verklaar: "Ek is 'n tempel van die Heilige Gees; ek is die woonplek van God"

LIEFDESBEDIENING: (20")
Uitreik:   bid gedurende hierdie week vir christene wat vervolg word.
Sorg na buite:   die Here wil ons gebruik om 'n invloed op ons omgewing te hê.  Bid vir jou bure en die mense wat saam met jou werk.
Onderlinge sorg:   bid gedurende die week vir die persoon wat nou aan jou regterkant sit.
Reëlings:    is die plek en tyd van byeenkoms in orde?

VOLGENDE BYEENKOMS:
Woonplek van God (20)  -  Efesiërs 2: 20 - 22

GESINSVERKLARING:   Die voorganger lees die gesinsverklaring en een van die groeplede dra die byeenkoms in gebed aan die Here op.

TERUGRAPPORT: (20")
Wat het die besef dat jy die woonplek van God is die afgelope week vir jou beteken?   Is daar iets anders wat jy wil vertel?

LOFPRYSING EN AANBIDDING: (20")
Kom ons loof die Here met 'n paar liedere afgewissel deur kort gebede van aanbidding.

WOORD EN ANTWOORD: (40")
Tema:    Woonplek van God (2)
Lees:      Efesiërs 2: 20 - 22.

1.   Laat die gedeelte twee maal hardop gelees word.
2.   Gee geleentheid dat elkeen dit biddend in stilte weer lees om te hoor wat die Here daardeur vir hom/haar wil sê.
3.   Vertel vir mekaar wat die Here deur hierdie verse vir jou gesê het.
4.   Waarom dink jy lê Paulus hier die klem op "julle" ipv. "jy"?
5.   Watter woorde in hierdie gedeelte dui op die sentrale posisie wat Jesus Christus inneem?  Noem dit en merk hulle in jou Bybel.
6.   Waarom is die feit dat ons 'n groep is 'n noodsaaklikheid in die lig van hierdie verse?
7.    Jy is nie alleen die woonplek van God nie maar is absoluut afhanklik van medegelowiges om saam gestelte aab due here se geestelike huis te gee.  Ons as groep is die woonplek van God.

Ons antwoord:   Hoe gaan die teenwoordigheid van God in jou medegelowiges jou lewe prakties beïnvloed?
Bid nou hardop saam die "Ons Vader"-gebed.

LIEFDESBEDIENING: (20")
Uitreik:   bid vir christene in Moslemlande.
Sorg na buite:   bid vir jou familie en vriende wat die Here op jou hart lê.
Onderlinge sorg:   waarvoor wil jy hê moet die groep vir jou bid of saam met jou bly wees?

VOLGENDE BYEENKOMS:
Kinders van die Vader -  Romeine 8: 15

GESINSVERKLARING:    Die voorganger lees die gesinsverklaring en een van die groeplede dra die byeenkoms in gebed aan die Here op.

TERUGRAPPORT: (20")
Vertel van 'n vreugdevolle ervaring wat jy die afgelope week beleef het.

LOFPRYSING EN AANBIDDING: (20")
Kom ons loof die Here met 'n paar liedere afgewissel deur kort gebede van aanbidding.

WOORD EN ANTWOORD: (40")
Tema:    Kinders van die Vader
Lees:      1 Johannes 3: 1;  Romeine 8: 15

1.   Laat die verse twee maal hardop gelees word.
2.   Daar is nou geleentheid dat elkeen biddend dit in stilte weer lees om te hoor wat die Here daardeur vir hom/haar wil sê.
3.   Vertel vir mekaar wat die Here deur hierdie verse vir jou gesê het.
4.   Hoe ervaar mense oor die algemeen vir God (in teenstelling met dit wat die Bybel sê)?
5.   God is volgens hierdie gedeelte regtig 'n Pa vir ons;  watter praktiese implikasies het dit vir ons as selgemeente?
6.   Die Bybel maak dit duidelik:  God se verhouding met ons is 'n persoonlike en intieme Vader-kind-verhouding.

Ons antwoord:   Skryf vir jou hemelse Pa in een sinnetjie neer hoe jy diep in jou hart oor Hom voel.  Wees eerlik - Hy verstaan.
............................................................................................................................

LIEFDESBEDIENING: (20")
Uitreik:   kom ons bid hierdie week vir die gelowiges in Sjina.
Sorg na buite:   bid vir die leiers van ons plaaslike gemeenskap.
Onderlinge sorg:   Is daar persone wat 'n spesifieke behoefte vir gebed het?  Kom ons gee geleentheid dat iemand daarvoor intree by ons Pa.

VOLGENDE BYEENKOMS:
Die huisgesin van die Here - 1 Timoteus 3: 15.

GESINSVERKLARING:  Almal lees die gesinsverklaring hardop saam en een van die groeplede dra die byeenkoms in gebed aan die Here op.

TERUGRAPPORT: (20")
Hoe het jy die Here se Vaderliefde die afgelope week ervaar?

LOFPRYSING EN AANBIDDING: (20")
Kom ons loof die Here met 'n paar liedere wat ons vir Hom sing; ons wissel dit af met enkele kort gebede van aanbidding.

WOORD EN ANTWOORD: (40")
Tema:    Die huisgesin van die Here
Lees:      1 Timoteus 3: 15

1.   Laat die gedeelte twee maal hardop gelees word.
2.   Gee geleentheid dat elkeen biddend dit in stilte weer lees om te hoor wat die Here daardeur vir hom/haar wil sê.
3.   Vertel wat die Here deur hierdie verse vir jou gesê het.
4.   Wat maak 'n gewone huisgesin werklik gelukkig?
5.   Wat is die verskil tussen saam leef as gesinslede en bloot net weekliks saamkom as 'n groep?
6.   Noem praktiese voorbeelde hoe die onderlinge liefde tussen ons as die huisgesin van die Here sigbaar kan word.
7.    As gelowiges moet ons as die huisgesin van God, ons Vader, met mekaar in liefde saam lewe.  Hierdie verhoudings is onmoontlik in 'n groot gemeente, maar moet in 'n klein gemeentetjie soos hierdie 'n werklikheid word.

Ons antwoord:   Bid hardop saam:  "Dankie dat U ons hemelse Pa is en ons regtig mekaar se broers en susters"

LIEFDESBEDIENING: (20")
Uitreik:   bid vir die gelowiges in Rusland.
Sorg na buite:   bid vir al die christelike gemeentes in ons omgewing.
Onderlinge sorg:   is daar spesifieke behoeftes vir gebed of hulp in ons groep?
Gaan kuier hierdie week vir een van jou nuwe gesinslede.

VOLGENDE BYEENKOMS:
Die geloofsgemeenskap as ons moeder  - 2 Johannes 1 en 4.

GESINSVERKLARING:  Almal lees die gesinsverklaring hardop saam en een van die groeplede dra die byeenkoms in gebed aan die Here op.

TERUGRAPPORT: (20")
Wat was jou ervaring toe jy die afgelope week by een van jou nuwe gesinslede gaan kuier het?

LOFPRYSING EN AANBIDDING: (20")
Kom ons loof die Here met 'n paar liedere wat ons vir Hom sing; ons wissel dit af met enkele kort gebede van aanbidding.

WOORD EN ANTWOORD: (40")
Tema:    Die geloofsgemeenskap as ons moeder
Lees:      2 Johannes 1 en 4

1.   In die Nuwe Testament word die geloofsgemeenskap dikwels as 'n vrou voorgestel.  So ook in hierdie gedeelte.
2.   Laat die gedeelte twee maal hardop gelees word.
3.   Gee geleentheid dat elkeen biddend dit in stilte weer lees om te hoor wat die Here daardeur vir hom/haar sê.
4.   Vertel wat die Here deur hierdie verse vir jou gesê het.
5.   Ma-wees impliseer twee belangrike aspekte van 'n gesin - geboorte en versorging.  Watter implikasies het dit vir ons as selgemeente
6.   Onthou, God se doel met die geloofsgemeenskap is die redding van mense deur wedergeboorte en geestelike versorging.

Ons antwoord:   Sê harop saam:  "As deel van die geestelike moeder is ek gewillig om medegelowiges te versorg en die evangelie uit te leef sodat ander ook gered kan word".

LIEFDESBEDIENING: (20")
Uitreik:   bid vir gelowiges in Europa.
Sorg na buite:   begin vir iemand bid waarvan jy weet wat nog nie geloofsekerheid het nie.
Onderlinge sorg:   deel met die groep 'n behoefte waarvoor jy graag sal wil hê dat hulle vir jou moet bid.

VOLGENDE BYEENKOMS:
Evaluering en verbintenis.

GESINSVERKLARING

TERUGRAPPORT: (20")

LOFPRYSING EN AANBIDDING: (20")

WOORD EN ANTWOORD: (40")
Tema:    Evaluering en verbintenis

Die afgelope paar geleenthede het ons stil gestaan by die dringende noodsaaklikheid van die klein geloofgemeenskap vir groei in ons verhouding met die Here en groei in ons verhouding met mekaar.
Die selgemeente se doel is om as 'n geestelike huisgesin
*    geloofsgemeenskap vir gelowiges 'n werklikheid te maak;
*    die eerste vlak van kerklike betrokkenheid te wees;
*    Christus se dienende liefde prakties sigbaar te maak.

1.   In watter opsigte het ons as groep die afgelope paar weke gegroei wat ons liefde vir mekaar en openheid teenoor mekaar betref?
2.   Wat het jy die meeste geniet van ons byeenkomste?
3.   Waarvan het jy nie gehou tydens ons byeenkomste nie?
4.   Is ons regtig ernstig om as groep die Here voluit te gehoorsaam?

VERBINTENIS
Kom elkeen van ons verbind ons gedurende die komende week skriftelik aan die groep deur op papier te sê
*    wat jy van die groep verlang  (bv aanmoediging; ondersteuning; gebed; vermaning)
*    wat die groep van jou kan verwag (bv getrouheid by byeenkomste; onderlinge hulp; voorbidding; eerlikheid);
*    in watter mate jy die groep vertrou.

LIEFDESBEDIENING: (20")
Uitreik:   bid gedurende hierdie week vir die gelowiges in Indië.
Sorg na buite:   bid vir die beskermingsdienste - veral kennisse.
Onderlinge sorg:   elke gesin noem 'n behoefte waarvoor die groep kan bid.  Sit in groepe van drie en bid vir die genoemde behoeftes.

VOLGENDE BYEENKOMS:
Nuwe gesprekstema.