|
||
Redaksie
Kontakadresse: Telefoon en faks: 044-878 1321 Posadres:
Selfoon:
Ander kontakte: NG Gemeente Brackenfel-Proteahoogte (sal nog verder aangevul word met die loop van tyd)
|
'n Moontlike onmoontlikheid! Dit is totaal onmoontlik vir die mens as skepsel om iets van die Skepper se heerlikheid in hierdie wêreld sigbaar te maak. Tog is juis dít die roeping en taak van die nuwe menslike geslag wat in Christus herskep is. Die wêreld kan God slegs leer ken uit sy openbaring. Hy openbaar Hom deur self mens te word in Jesus. Hy openbaar Hom wanneer sy beeld in die nuutgemaakte mens herstel word en Jesus begin sigbaar word deurdat sy Gees die egte liefde te voorskyn laat kom. Hy openbaar Hom deur die onvoorwaardelike, dienende liefde
wat reddend uitreik na mense wat dit nie werd is nie - wanneer die liefdesgemeenskap,
die ekklesia, Hom vertoon in dienskneggestalte!
Die Woord sê: "Niemand het God nog ooit gesien nie, maar as ons mekaar liefhet, bly God is ons en het sy liefde in ons sy doel volkome bereik." 1 Johannes 4:12; vergelyk dit met Johannes 1: 18. Lees en verspreiding van Gesellig
Vir mense wat wil inskryf op Gesellig, druk asb met die muis op onderstaande skakel: Windhoek: 'n Baie geslaagde herderskliniek is gedurende Meimaand in Windhoek by die Ned Geref Gemeente Pionierspark gehou. 'n Groot deel van die kursusgangers het van Outjo en Opuwo gekom. Na die baie reën was Namibia 'n lushof; ons glo dat die geestelike groei wat tans plaasvind, sal getuig van die geestelike reën wat God aan die kerk in hierdie land stuur. Nelspruit: 'n Herderskliniek aan die begin van Junie in die Ned Geref Gemeente Nelspruit-Westergloed is bygewoon deur 39 herderleiers en selgemeentelede uit hierdie gemeente en die Ned Geref Gemeente Barberton. Potchefstroom: Ook hier is 'n besonder geseënde herderskliniek gehou met leiers uit 16 verskillende gemeentes van verskillende denominasies! Ons het iets ervarr van die eenheid van Jesus se ekklesia-kerk! Twee motors met kursusgangers het selfs van Durban af gekom vir hierdie geleentheid. Paarl: in Augustus het die Kaap aan die beurt gekom met 'n herderskliniek in die Paarl wat deur die Ned Geref Kerk Paarlberg gereël is. Daar was 51 kursusgangers. Hier was leiers uit elf gemeentes saamgetrek in die mooi PKS-sentrum George: in Augustus is die laaste leraarskliniek aangebied. Lees gerus die stukkie oor toekomstige beplanning hieronder. Die jaarlikse herderskliniek vir die Suid-Kaap is in September aangebied en die 21 kursusgangers was van 3 gemeentes afkomstig.
BEPLANNING VIR 2001 Gemeentevreugde as werkgroep het 'n paar belangrike besluite oor die toekomstige funksionering gemaak: 1. Die leraarskliniek is in Augustus 2000 vir die
laaste keer aangebied. Die rede is dat die aanvraag baie verminder
het en dat die koste en tyd wat daaraan bestee word, te veel word.
2. Die herderskliniek word verander om vir enige persoon toeganklik te wees. Die naam verander ook na "Ekklesia 21 - kerkwees in die nuwe eeu". Daar is meer inligting op die Webbladsy www.icon.co.za/~vreugde onder "Kursusse". 3. 'n Sterk fonds moet opgebou word om die kursus "Ekklesia 21" te subsidieer sodat dit selfs sonder enige koste vir 'n gemeente aangebied kan word. Die materiaal moet nog aangekoop word (R35 per kursusganger) maar die aanbiedingskoste asook reiskoste sal mettertyd deur hierdie fonds gedra word. Om die behoefte onder selgemeentes en gelowiges bekend te maak, is "Projek Aäron en Hur" geloods.
Projek
Aäron en Hur
Wil jy vir ons kommentaar op hierdie uitgawe stuur? |
|