gesellig

Wat is een van die belangrikste redes waarom 'n selgemeente die regtig werk nie?
Gaan kyk na "Een rede ..." Lees dit, druk dit uit en sirkuleer dit in julle selgemeente.

Nuusbrief van Gemeentevreugde

Die nuwe Wyn

Die "nuwe wyn" wat moeilik in die ou leersakke gestoor kan word, is nie die veranderde smaak van die moderne mens nie maar die nuwe werk van die Heilige Gees. Die Here wil hê dat die evangelie vars en relevant vir die moderne mens sal wees. Ons moet werk en bid vir 'n Gees-gewerkte reformasie en nie vir akkomodering van allerlei smake nie.

Die Woord sê:
"... wie reg doen, floreer soos groen blare aan 'n boom. ... Wie die wil van die Here doen, is 'n bron van lewe; die mens wat wysheid het, red lewens."
Spreuke 11: 28, 30

In verband met ons nuusbrief:

Gesellig word aan persone wat ingeskryf het asook moontlike belangstellendes gestuur. Indien jy dit nie wil ontvang nie, stuur asb dadelik 'n boodskap deur onderstaande skakel te druk.

Kanselleer

"Gesellig" kom ongereeld uit maar ons hoop dat dit mettertyd maandeliks sal verskyn.
Onthou asb om die byvoeging ("attachment") oop te maak terwyl jy gekoppel is aan die internet - dan sal die grafiese materiaal ook afgelaai word.
Persone wat sukkel met die grafiese materiaal of 'n teksweergawe verlang, kan ons gerus kontak.

Ons verwelkom enige nuusbrokkies en wetenswaardighede wat aan ons gestuur word. Kan ons jou medewerking vra? Baie dankie by voorbaat.

NUUSBROKKIES

Kursusse:
Gedurende die volgende twee maande word die volgende Ekklesia 21 kursus aangebied:

27 tot 29 Julie - Stellenbosch-Wes Kontakpersoon: Pieter J van Rensburg: 021- 883 3147 (huis); 021- 808 3848 (werk).

Alexandria: die kursus Ekklesia 21 is in April vir mense uit 4 gemeentes in die Oos-Kaap aangebied.

Gesprekstemas:

Twee nuwe gesprekstemas is gereed:

nommer 15: "Geestelike Oorlog" en
nommer 16: "Totale Verlossing".
Albei het riglyne vir 6 byeenkomste.
Soos die ander gesprekstemas kos dit R2,50 elk.

Kursusse met die oog op verandering
Die groot klem wat Gemeentevreugde lê is die verandering van die kerk na 'n verhoudingskerk (verbondskerk).
Die Sentrale Sewe is 'n nuwe kursus wat selgemeentes wat reeds gevestig is, help deur hulle weer opnuut te motiveer. Daar word op die kern-elemente gefokus. Dit gaan oor die sewe belangrike denkskuiwe wat moet plaasvind in mense se siening oor kerkwees. Die mees algemene foute in selgemeentes /selle /omgeegroepe word ook aangedui.

Lees meer oor ons kursusse op die webbladsy http://www.icon.co.za/~vreugde/afrikaans/kursus.html

Lees oor ons poging om 'n fonds op te bou vir die subsidiëring van alle kursusse by Projek Aäron en Hur

Marius Potgieter se versoek:
Is jy self gewillig of weet jy van mense wat gewillig sal wees om as intersessors my persoonlike bediening aan die Here op te dra? Tans is ek voltyds met die werk van Gemeentevreugde asook die aanbieding van kususse besig. Die afgelope tyd het ek bewus geword van 'n verskerpte aanslag van die bose; dit is net die beskerming deur die oorwinnaarsbloed van Christus waarop ons kan reken om staande te bly. Die stryd word in gebed gestry.
Indien jy betrokke wil raak, kontak my by marius.pot@icon.co.za vir besonderhede. By voorbaat baie dankie.

Toerusting Vir diegene wat meer wil weet is daar die volgende te lees:

Hoe kry ons meer selleiers?
Een rede waarom selgemeentes nie werk nie
Die rol van die predikant

Vorige uitgawes is te sien en ander artikels te lees by
http://www.icon.co.za/~vreugde/afrikaans/gesellig.html

Wil jy vir ons enige kommentaar stuur? Kommentaar]