gesellig

Paasfees en Pinksterfees is verby. Wanneer Paulus die gemeente die liggaam van Christus noem, dan verbind hy by implikasie die oorsprong van die Nuwe Testamentiese gemeente aan die opstanding van Jesus. Met die uitstorting van die Gees het Jesus op 'n nuwe manier sy teenwoordigheid openbaar - as die lewendmakende Gees wat in sy liggaam woon.

Dit maak die vebintenis aan die geloofsgemeenskap so wesenlik belangrik vir elkeen van ons. Jesus se opstanding laat ons ook opstaan - nie alleen tot 'n nuwe lewe nie maar ook tot 'n nuwe gemeenskap met Hom en met mekaar. Die een Gees bind ons ook tot 'n eenheid saam.

Die Woord sê:
"Breek hierdie tempel af en in drie dae sal ek hom oprig... Met 'hierdie tempel' het Hy sy liggaam bedoel." Joh 2:19 en 21

Lees en verspreiding van Gesellig

Stuur asb Gesellig met e-pos ("forward") deur na ander persone wat mag belangstel.
Die ideaal is dat elke selgemeente hierdie nuusbrief sal kry en onder mekaar versprei. Moedig elke herderleier aan om so iets te organiseer. So word ons almal medewerkers!
Die nuusbrief word gratis gestuur aan almal wat daarop inteken.
Persone wat sukkel met die grafiese materiaal of 'n teksweergawe verlang, kan ons gerus kontak.
Onthou asb om die byvoeging ("attachment") oop te maak terwyl jy gekoppel is aan die Internet - dan sal die grafiese materiaal ook afgelaai word.
Vir mense wat wil inskryf op Gesellig, druk asb met die muis op onderstaande skakel:

Nuwe inskrywing

NUUSBROKKIES Mayotte: op uitnodiging van Ds Dawie de Wet wat op die eiland Mayotte werk, het Marius Potgieter die Evangeliese Gemeente daar besoek. Marius het die leiergroep ontmoet en 'n eenvoudige toerustingskursus vir hulle aangebied oor gemeente-wees vanuit die verbondsbenadering. Daar bestaan reeds ses selgemeentes.

Pretoria: Konsultasiewerk by Eldoraigne gemeente, 'n herderskliniek en 'n omsienerseminaar by Lyttleton-Oos het 'n groot aantal leiers in Pretoria se visie versterk. Daar was ongeveer 70 persone by die herderskliniek gewees. Dit was wonderlik om te sien dat daar ongeveer 20 persone by die omsienerskursus van verskeie gemeentes in die Suide en Ooste kant van Pretoria was.

Pretoria: In die gemeente Rietfontein-Noord is daar reeds 28 omgee-selle wat in vyf omsienerskringe funksioneer. Derick du Toit glo vas dat dit die Here se antwoord is vir hierdie spesifieke tyd van die bestaan van die kerk.

Alexandria: op hierdie mooi Oos-Kaapse dorpie is 'n baie suksesvolle herderskliniek deur Robert Knobel en Marius Potgieter aangebied. Daar was 42 persone uit 7 gemeentes wat die kliniek bygewoon het. Die selgemeentes van Alexandria het die besoekers mer oop harte en huise ontvang. Daar word reeds 'n kliniek vir volgende jaar dieselfde tyd beplan.

SELGEMEENTES VERTEL

Rustenburg-Bergsig: Gedurende1998 was daar vyf selgemeentes toe 'n herderskliniek aangebied is. "Deur die genade van die Here kan ons nou sê dat ons 22 selgemeentes is". So gesels Attie Nel, 'n tentmaker - leraar wat verantwoordelik is vir die selgemeente - bediening in die gemeente.

Hierdie skoling was 'n wonderlike stimulus in die selbediening op presies die regte oomblik. "Ek sou met groot vrymoedigheid elke gemeente aanmoedig om die herderskliniek in die gemeente aan te bied. Die geleentheid was 'n wonderlike meningsvorming en motiveerder vir dit waarmee ons besig is.

Ons het ook van tyd tot tyd probleme ondervind waarvoor daar nie 'n kitsantwoord was nie en waarvoor ons na gelang van omstandighede kreatief moes wees en beplan."

Toerusting Iets nuuts!
Lees gerus die volgende artikels:
Watter elemente veroorsaak stagnasie in 'n selgemeente?
Is daar nie 'n fout in Gesprekstema 14 nie?

Die volgende artikels kan ook nog gelees word:
Wat is die Selgemeente- of Gemeentevreugde-model?
What is the Cell Community Model?
Waarom word die naam "Selgemeente" gebruik?
Bybelse riglyne vir die geloofsgemeenskap

Hierdie uitgawe sal nog aan moontlike belangstellendes gestuur word maar in die toekoms sal dit slegs na ingeskrewe lesers gaan.

Wil jy vir ons kommentaar of wenke op hierdie uitgawe stuur?

Kommentaar